Një shqiptar është bërë pjesë e listës së “Forbes”, për personat nën moshën 30-vjeç, që kanë arritur sukses në botën financiare dhe atë të zhvilimit ekonomik.
Në listën me 33 emra, bën pjesë edhe Kevin Sekniqi nga Shkodra. I riu është bashkë-themelues dhe COO në Ava Labs.
Thank you @Forbes https://t.co/fk6dtH3yH8
— Kevin Sekniqi 🔺 (@kevinsekniqi) November 29, 2022
Në përshkrimin për të Forbes shkruan: “Si bashkëthemeluesi më i ri i Ava Labs, Sekniqi luajti një rol kyç në krijimin e Avalanche, një blockchain me shpejtësi të lartë që numëron mbi tre milionë përdorues dhe AVAX, një kriptomonedhë me vlerë tregu 4 miliardë dollarë.”
Forbes thotë se ka shqyrtuar mbi 12 mijë kandidatë të mundshëm, duke i vlerësuar për faktorë si investimi, të ardhurat, ndikimi social, inovacioni dhe potenciali që kompanitë e tyre ofrojnë.
Lidhur me këtë përzgjedhje ka reaguar edhe ambasadorja e Shqipërisë në SHBA, Floreta Luli-Faber që përmes një postimi ka treguar se si është njohur me të riun.
“E takova vitin e kaluar në Majemi, në ato pak orë që ja lejonte vetes për të pushuar larg kompjuterit dhe kompanisë së tij. Shumë i dashur, i thjeshtë, dhe me mjaft modesti fliste për komaninë e tij, të filluar që në bankat e shkollës, zhvilluar në Nju Jork por vendosur në Miami, Florida. Ate prill 2021 ai ishtë në fazën kërkimore, dhe priste që brenda vitit të përmbyllte ëndrrën e tij për një zhvillim unik në fushën e kriptomonedhës. Tani ai ja ka dalë me sukses.”- shkruan ambasadorja.
Extraordinary @kevinsekniqi to see that you made it at @forbes #ForbesUnder30 for Finance, as co-creator of blockchain #Avalanche and of cryptocurrency #AVAX @avalancheavax.
Every Albanian 🇦🇱 is proud of your achievements.
I wish you only successes!https://t.co/bQ9rSSD7F3
— Floreta Faber 🇦🇱 (@FloretaFaber) November 30, 2022
Para Ava Labs, Kevin ishte kandidat për doktoraturë në Shkenca Kompjuterike në Cornell duke kryer kërkime në sistemet e shpërndara, kriptografinë, sigurinë dhe ekonominë. Ai më parë ka bërë kërkime dhe inxhinieri softuerike në organizata të njohura, duke përfshirë Microsoft dhe NASA.
