Është liruar nga burgu ish-deputeti i PS-së, Alqi Bllako,i cili u arrestua pas akuzave për inceneratorin e Fierit.
Lajmi është konfirmuar për BW nga gazetarja Klodiana Lala, sipas së cilës Bllako është lënë në arrest shtëpie.
Edhe më herët, deputeti e kishte kërkuar në disa raste ndryshimin e masës së arrestit.
Ai akuzohet nga SPAK për korrupsion e shpërdorim detyre lidhur me inceneratorin e Fierit, çështje nën hetim nga prokuroria.
Aktualisht i vetmi ish-zyrtar i lartë që ndodhet në burg për çështjen e inceneratorëve është ish-ministri i Mjedisit, Lefter Koka.