Shefja e Qendrave për Kontrollin dhe Parandalimin e Sëmundjeve (CDC) në SHBA ka pranuar publikisht për herë të parë se agjencia ka dhënë informacion të rremë në lidhje me mbikëqyrjen e saj të sigurisë së vaksinës COVID-19.
Dr. Rochelle Walensky, drejtoresha e agjencisë, tha në një letër të bërë publike më 12 shtator se CDC nuk ka analizuar fare lloje të caktuara të raporteve të efekteve të padëshiruara në vitin 2021, pavarësisht se agjencia më parë tha se filloi në shkurt 2021.
“CDC kreu analizën midis 25 marsit 2022 deri më 31 korrik 2022.” – tha Walensky.
Agjencia e drejtuar nga Walensky kishte premtuar në disa dokumente, duke filluar nga fillimi i vitit 2021, të kryente një lloj analize të quajtur Përpjestimi i Raportit Proporcional (PRR) mbi raportet e paraqitura në Sistemin e Raportimit të Ngjarjeve të Padëshiruara të Vaksinës, ku ajo ndihmon me menaxhimin.
Por agjencia tha në qershor se nuk kishte kryer PRR. Ajo tha gjithashtu se kryerja e tyre ishte ‘jashtë fushëveprimit të agjencisë’.
Përballë kontradiktës, Dr. John Su, një zyrtar i CDC, i tha Epoch Times në korrik se agjencia filloi të kryente PRR në shkurt 2021 dhe ‘vazhdon ta bëjë këtë deri më sot’.
Por vetëm disa javë më vonë, CDC tha se Su ishte gabim.
“CDC kreu PRR-të nga 25 mars 2022 deri më 31 korrik 2022.” – tha një zëdhënëse për The Epoch Times në gusht.
Letra e re e Walensky, e datës 2 shtator dhe dërguar më 6 shtator senatorit Ron Johnson (Republikan-Wis.), tregon se Walensky është në dijeni se agjencia e saj ka dhënë informacion të rremë.
Mungojnë justifikimet
Letra e Walensky nuk përfshinte asnjë shpjegim se pse ndodhi kjo. Letrës ‘i mungonte ndonjë justifikim se pse CDC kreu PRR gjatë periudhave të caktuara dhe jo të tjera’, i tha Walensky në një përgjigje senatorit Johnson, republikani më i lartë në Nënkomitetin e Senatit për Sigurinë Kombëtare dhe Çështjet Qeveritare për Hetimet.
“Ju gjithashtu nuk dhatë asnjë shpjegim se përse pohimi i Dr. Su bie plotësisht në kundërshtim me përgjigjen fillestare të CDC si dhe përgjigjen tuaj të 6 shtatorit 2022, ndaj meje.” – shtoi ai.
Ai kërkoi përgjigje nga CDC për situatën, duke përfshirë pse CDC nuk kreu PRR deri në mars dhe pse agjencia dezinformoi publikun kur tha se nuk ishin kryer PRR.
CDC dhe Walensky nuk iu përgjigjën kërkesave për koment.
“Në asnjë çast asnjë punonjës i CDC nuk ka dhënë qëllimisht informacion të rremë.” – tha një zëdhënës i CDC, kur korrigjonte përgjigjet e mëparshme të agjencisë, për The Epoch Times përmes emailit në gusht.
Zëdhënësi pretendoi se informacioni i rremë u dha sepse CDC mendonte se The Epoch Times dhe Children’s Health Defense, të cilat morën përgjigjen e parë, po pyesnin për një lloj tjetër analize të quajtur miniera empirike e të dhënave Bayesian. Por si The Epoch Times ashtu edhe Children’s Health Defense renditën në mënyrë specifike PRR-të në pyetjet e tyre.
VINI RE: Ky material është pronësi intelektuale e Theepochtimes
