Sekretarja për Marrëdhëniet me Publikun e Partisë së Lirisë, Silva Caka, ka reaguar lidhur me ngjarjen e rëndë të ndodhur ditën e djeshme në plazhin e Potamit në Himarë, ku një vajzë 7-vjeçare humbi jetën pasi u përplas nga një mjet lundrues i drejtuar nga kryepolici Arjan Tase.
Caka shprehet se ngushëllimi më i sinqertë që mujnd t’i bëhet familjes së vogëlushes, është duke kërkuar drejtësi për të.
Duke iu referuar sulmeve të sotme të kryeministrit Edi Rama ndaj gazetarëve për raportimet dhe qëndrimet e tyre mbi ngjarjen, Caka thekson se nuk duhet të merren me të.
“Nëse vazhdojmë tronditemi me reagimet e pagjak të Edi Ramës, atëhere i bëjmë shërbim propagandës së tij dhe relativizimit të çështjes. Mos harroni që Edi Rama është sociopat me kartelë, e ka justifikimin në xhep kurdoherë (sociopati është një person me një ccrregullim personaliteti, i cili manifestohet me sjellje dhe qëndrime ekstremisht antisociale). Mos prisni empati nga Edi Rama…”– shkruan ajo.
Caka u bën thirrje qytetarëve të dalin të protestojnë nesër dhe të kërkojnë drejtësi për vogëlushen e ndjerë.
REAGIMI I PLOTË
Ngushëllimi më i sinqertë që ne mund t’i bëjmë familjes së vogëlushes Joanda Avdia, është të kërkojmë drejtësi për të!
Nëse vazhdojmë tronditemi me reagimet e pagjak të Edi Ramës, atëhere i bëjmë shërbim propagandës së tij dhe relativizimit të çështjes. Mos harroni që Edi Rama është sociopat me kartelë, e ka justifikimin në xhep kurdoherë (sociopati është një person me një ccrregullim personaliteti, i cili manifestohet me sjellje dhe qëndrime ekstremisht antisociale). Mos prisni empati nga Edi Rama…
Detyra jonë si prindër e si qytetarë është të ccojmë përpara përgjegjësisë penale, morale, politike dhe qytetare:
- Edi Ramën
- Blendi Çuçin
- Mirela Kumbaron
- Gledis Nanon
- Arjan Tasen.
Për mua, të gjithë këta janë në një thes! Për mua, Tase në burg e të tjerët minimumi në dorëheqje.
Nesër në shesh për Joandën, nesër në shesh për fëmijët tanë!
