Një gomone është gjetur e djegur në breg të detit në Godull të Kurbinit.
Mjeti në fjalë dyshohet se është ndjekur ditën e djeshme nga Guardia di Finanza. Sipas policisë, gjatë kontrollit nuk janë gjetur persona apo sende të jashtëligjshme.
Mjeti i fuqishëm dyshohet se u ndoq dje nga autoritetet italiane e ato shqiptare pasi dyshohet se transportonte drogë.
Ajo u pikas fillimisht në grykëderdhjen e lumit Vjosë e sot është gjetur i djegur në bregdetin e Kurbinit.
Njoftimi
“Më datë 20.07.2022, rreth orën 05:30, në derdhje të hidrovorit të Adriatikut, në breg të detit, në Godull, Kurbin, është konstatuar nga shërbimet e Policisë, një mjet lundrues, duke u djegur. Shërbimet e Policisë vijojnë krehjen e zonës. Deri tani nuk është konstatuar asnjë person apo send i kundërligjshëm. Grupi hetimor vazhdon hetimet për sqarimin e rrethanave të ngjarjes.”
