Boris Johnson njoftoi sot dorëheqjen, që do të thotë se tani do të ketë zgjedhje për të vendosur se kush do të bëhet udhëheqësi dhe kryeministri i ardhshëm konservator.
Dhe ndërkohë në media kanë nisur të përfliten emrat që mund ta zëvendësojnë Boris Johnson-in.
Por kush janë kandidatët e mundshëm?
Shumica e këtyre deputetëve dhe ministrave të listuar, nuk kanë thënë ende nëse e duan punën e udhëheqësit dhe kryeministrit konservator.
Siç shkruan BBC, kandidatët do të duhet të sigurojnë fillimisht mbështetjen e deputetëve konservatorë, me dy kandidatët e fundit që do të shkojnë në një votim përfundimtar.
Sipas rregullave aktuale, kandidatët kanë nevojë për mbështetjen e tetë deputetëve konservatorë për të kandiduar.
Nëse ka më shumë se dy kandidatë, deputetët konservatorë mbajnë një seri votimesh derisa të mbeten vetëm dy. Në atë pikë ka një fletëvotim më të gjerë të anëtarësisë së partisë Konservatore për të zgjedhur fituesin.
Afati kohor për çdo konkurs vendoset nga Komiteti i deputetëve të grupit mbështetës dhe komiteti mund të votojë për të ndryshuar rregullat përpara se të zhvillohet konkursi.
