Pesë persona, mes të cilëve dy agresorët kanë vdekur nga të shtënat me armë në një xhami në San Diego, Kaliforni.
Pamje ajrore nga NBC 7 tregojnë një person të shtrirë në një pellg gjaku pas të shtënave. Megjithatë, autoritetet nuk kanë publikuar ende detaje për të plagosurit apo një të dyshuar, ndërsa forcat e rendit po reagojnë në vendngjarje.
Sipas burimeve të zbatimit të ligjit të NBC 7, dy të dyshuar janë të vdekur, po kështu edhe tre persona të tjerë, shkruan Rt.
Sipas policisë së San Diegos, sulmi është neutralizuar tashmë dhe nuk ka të dyshuar të tjerë në vendin e ngjarjes. Shefi i policisë tha se agresorët dyshohet se janë një 17-vjeçar dhe një 19-vjeçar të cilët mund të jenë vetëvrarë ndërsa nuk dihen ende motivet dhe identiteti i tyre.
Imami i qendrës islamike, Taha Hassane, tha pas incidentit të së hënës se fëmijët janë të sigurt dhe u bëri thirrje njerëzve të shmangin zonën.
“Ne jemi të sigurt. Kemi disa të lënduar, ende të pakonfirmuar. Nuk ka më kërcënim në këtë moment,” tha ai në një mesazh të regjistruar në rrjetet sociale.
Policia e San Diegos tha më vonë se kërcënimi ishte “neutralizuar”, pa dhënë detaje shtesë, duke theksuar se forca të shumta ndodhen në vendngjarje.
Pamje ajrore nga televizioni treguan një prani të madhe policore jashtë xhamisë.
