Një ngjarje e rëndë ka ndodhur sot në Sarandë, ku një 22-vjeçar ka ndërruar jetë pasi u godit nga tenda mbrojtëse e një kalçetoje pas një stuhie.
I riu Armando Kazma pësoi dëmtime për shkak se era e fortë rrëzoi tendën mbrojtëse në fushën e futbollit ku ai po qëndronte. Ai u dërgua në spital por për fat të keq nuk mundi t’u mbijetojë plagëve të marra.
“Në vijim të informacionit paraprak për rrëzimin e tendës së një kalçetoje sportive, ku si pasojë u dëmtua shtetasi A. K., 22 vjeç, ju informojmë se si pasojë e dëmtimeve të marra, ky shtetas ndërroi jetë në spital.”- bën me dije policia.
Grupi hetimor vijon punën për zbardhjen e plotë të rrethanave të ngjarjes.
