Pas 6 vitesh martesë, Jerry Hall ka paraqitur kërkesën për divorc nga manjati i medias amerikane Rupert Murdoch në një gjykatë në Kaliforni.
Modelja dhe aktorja thuhet se kërkon mbështetje ekonomike nga bashkëshorti pas divorcit dhe që ai të paguajë tarifat e avokatit të saj.
Ky do të jetë divorci i katërt për 91 vjeçarin Murdoch. Zonja Hall e cila është 66 vjeçe, më parë ka qenë partnerja e këngëtarit të Rolling Stones, Mick Jagger.
Sipas medieve, ndarja kishte ardhur si një surprizë për familjarët. Pasi Murdoch thuhej se po i kushtonte më shumë kohë gruas së tij të re.
Në kohën e martesës së tij, miliarderi njoftoi në “Twitter” se ishte “njeriu më me fat dhe më i lumtur në botë” dhe se do të ndalonte së postuari në platformë.
Ata filluan të takoheshin në verën e vitit 2015 pasi u prezantuan nga një nga motrat e Murdoch dhe mbesa e tij në Australi. Hall dhe Murdoch njoftuan fejesën e tyre janarin e ardhshëm dhe e mbajtën private pjesën më të madhe të romancës së tyre.
Ky shënon divorcin e katërt të Murdoch. Manjati i medias u martua me gruan e tij të parë Patricia Booker në vitin 1956 dhe u divorcuan në vitin 1967. Po atë vit ai u martua me Anna Maria Torv. Ata u divorcuan në vitin 1999, në të njëjtin vit që Murdoch u martua me gruan e tij të tretë Wendi Deng; ata u ndanë në vitin 2013. Martesat e tij rezultuan me gjashtë fëmijë.
Kjo ishte martesa e parë as për zonjën Hall. Ajo ka qenë në një lidhje të gjatë me Mick Jagger për më shumë se dy dekada dhe ata kanë katër fëmijë së bashku.
