Një avioni është rrëzuar këtë të hënë në një zonë banimi në Bursa, një provincë veriperëndimore turke.
Siç raporton “Daily Sabah”, avioni i vogël po fluturonte pranë aeroportit Yunuseli, një qendër për fluturimet stërvitore kur u rrëzua. Nuk dihen ende shkaqet e rrëzimit, por pas rrëzimit rrënojat e avionit kanë shpërthyer në flakë.
Guvernatori i Bursës, Yakup Canbolat tha se një instruktor fluturimi dhe një pilot praktikant u vranë në këtë përplasje, ndërsa nuk ka raportime për të tjerë të lënduar.
Pamjet nga vendi i ngjarjes treguan njerëzit që nxitonin të largoheshin nga shtëpitë e tyre.
Guvernatori tha se avioni stërvitor civil ka të ngjarë të jetë rrëzuar për “një arsye teknike” pasi kushtet e motit ishin të përshtatshme për fluturimin. Guvernatori u tha gazetarëve se përplasja dëmtoi gjithashtu dy shtëpi dhe dy automjete.
📌Bursa’da Yunuseli Havaalanı’na yakın bir bölgede eğitim uçağı evlerin arasına düştü.
◼️Bursa Valisi, uçaktaki pilot ve öğrenci pilotun hayatını kaybettiğini açıkladı. pic.twitter.com/oc64xfR1xK
— Diriliş Postası (@dirilispostasi) April 25, 2022
