Drejtori i CIA-s, William Burns, ka përshkruar kërcënimet kryesore me të cilat përballen Shtetet e Bashkuara, duke vënë në dukje ngritjen e Kinës në skenën botërore dhe ofensivën e vazhdueshme ushtarake të Rusisë në Ukrainë si sfidat kryesore, ndërsa deklaroi se inteligjenca amerikane ka hyrë në një “epokë të re”.
Duke folur në Institutin e Teknologjisë në Georgia të enjten në fjalimin e tij të parë publik ndonjëherë si kreu i CIA-s, Burns argumentoi se “një Kinë gjithnjë e më kundërshtare dhe një Rusi e ashpër dhe revizioniste” e kanë detyruar agjencinë e inteligjencës të “ri-imagjinojë veten për të konkurruar me sukses në këtë epokë të re.”
“Kina e Xi Jinping është sfida jonë më e madhe, në shumë mënyra testi më i thellë që CIA është përballur ndonjëherë.”- vazhdoi Burns, citon RT. “Si shërbim inteligjent, ne kurrë nuk kemi pasur të përballemi me një kundërshtar me më shumë shtrirje.”
“Ai kërkon të na kapë në çdo fushë, nga fuqia ekonomike te fuqia ushtarake dhe nga hapësira në hapësirën kibernetike.”- thotë Burns.
Duke e quajtur Kinën një “partner të heshtur” në “agresionin” e Rusisë kundër Ukrainës, shefi i inteligjencës paralajmëroi gjithashtu se operacioni ushtarak në vazhdim përbënte një “kërcënim të menjëhershëm“, duke sugjeruar se “dëshpërimi” nga ana e presidentit Vladimir Putin mund të shkaktonte një shkëmbim bërthamor.
Megjithatë, Burns vuri në dukje gjithashtu se pavarësisht “posturimit retorik” nga Moska, e cila i vendosi forcat e saj bërthamore në një status më të lartë gatishmërie menjëherë pasi nisi sulmin e saj në Ukrainë në fund të shkurtit, agjencitë e inteligjencës amerikane “nuk kanë parë shumë prova praktike” që do ta përforconin këtë shqetësim.
