Vendosni fjalën kyçe....

Lavrov: Rusia kërkon t’i japë fund rendit botëror të dominuar nga SHBA


Aksioni ushtarak i Rusisë në Ukrainë ka për qëllim t’i japë fund rendit botëror të dominuar nga SHBA, kështu ka shpjeguar ministri i Jashtëm rus Sergey Lavrov.

Në një intervistë të transmetuar nga televizioni rus të hënën, Lavrov pretendoi se Uashingtoni ka kërkuar supremaci duke vendosur rregulla ad-hoc dhe duke shkelur ligjin ndërkombëtar.

Ai i referohej përpjekjeve të Amerikës për të imponuar të ashtuquajturin “rend ndërkombëtar të bazuar në rregulla”, të cilat kanë hasur në rezistencë të fortë nga Moska dhe Kina.

“Operacioni ynë special ushtarak ka për qëllim t’i japë fund zgjerimit të pandërprerë të NATO-s dhe përpjekjes së pandërprerë drejt dominimit të plotë nga SHBA dhe subjektet e saj perëndimore në skenën botërore.”- tha Lavrov për kanalin e lajmeve “Rossiya 24”, citon RT.

“Ky dominim është ndërtuar mbi shkelje të rënda të së drejtës ndërkombëtare dhe sipas disa rregullave, të cilat ata tani po i hamendësojnë kaq shumë dhe që i shpikin rast pas rasti.”– shtoi ai.

Lavrov tha se Rusia është ndër kombet që nuk do t’i nënshtrohen vullnetit të Uashingtonit. Sipas tij, Rusia do të jetë vetëm pjesë e një komuniteti ndërkombëtar të të barabartëve dhe nuk do t’i lejojë vendet perëndimore të injorojnë shqetësimet e saj legjitime të sigurisë.

Lavrov kritikoi shefin e politikës së jashtme të BE-së, Josep Borrell, që duket se inkurajon më shumë luftime në Ukrainë. Kryediplomati i bllokut tha se konflikti “do të fitohet në fushën e betejës” pasi ai njoftoi më shumë ndihmë ushtarake për Kievin të shtunën e kaluar. Lavrov e quajti deklaratën e Borrellit “të egër”.

“Kur një shef diplomatik… thotë se një konflikt i caktuar mund të zgjidhet vetëm përmes veprimeve ushtarake… Epo, duhet të jetë diçka personale. Ai ose foli gabim ose foli pa u menduar, duke bërë një deklaratë që askush nuk i kërkoi ta bënte. Por është një vërejtje skandaloze.”– shtoi Lavrov.

Ministri rus beson se roli i BE-së ka ndryshuar gjatë krizës së sigurisë në Ukrainë. Më parë ajo nuk vepronte si një organizatë ushtarake “duke luftuar kolektivisht kundër një kërcënimi të shpikur”. Lavrov tha se ndryshimi ishte rezultat i presionit të ushtruar ndaj anëtarëve të bllokut nga Uashingtoni, i cili e ka shtyrë atë më pranë NATO-s.

Lavrov tha se nga ana e saj, Rusia dëshiron të negociojë paqen me Ukrainën.