Presidenti ukrainas Volodymyr Zelensky ka postuar një video në “Twitter” duke ecur nëpër rrugët e Kievit, në një përpjekje të dukshme për të luftuar thashethemet se ai i ka bërë thirrje ushtrisë që t’i dorëzohet trupave ruse.
“Ka shumë informacione të rreme në internet që i bëjnë thirrje ushtrisë sonë të lërë armët dhe se ka evakuime.”- tha ai.
“Unë jam këtu. Ne nuk do të dorëzojmë armët. Ne do ta mbrojmë shtetin tonë.”- shton ai.
Не вірте фейкам. pic.twitter.com/wiLqmCuz1p
— Володимир Зеленський (@ZelenskyyUa) February 26, 2022
Videoja e tij vjen në ditën e tretë të luftimeve. Mediat amerikane kanë raportuar më herët se presidenti ukrainas ka refuzuar një ofertë të Uashingtonit për të ndihmuar në evakuimin e tij nga Ukraina.
Qeveria e Kievit konfirmoi luftimet në një deklaratë më herët dhe paralajmëroi banorët të qëndrojnë në strehimore dhe të mos iu afrohen dritareve apo ballkoneve.
