Në 24 orët e fundit në Kosovë janë regjistruar 8 raste të reja me koronavirus nga 1 miëj 098 testime të kryera gjithsej. Ndërkohë një qytetar ka ndërruar jetë si pasojë e Covid-19.
Duket se ka një rritje të rasteve pasi një ditë më parë u regjistruan vetëm 2 të infektuar në Kosovë ndërsa sa i përket viktimave, prej disa ditësh me radhë nuk kishte fatalitete derisa sot u regjistrua një i vdekur.
Njoftimi i Ministrisë së Shëndetësisë:
30 Nëntor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 607 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.615.360 doza të vaksinës.
Deri më sot 761.595 qytetarë janë vaksinuar me dozën e dytë.
Nga 1.098 testime, 8 qytetarë kanë rezultuar pozitiv me virusin COVID-19.
Gjatë 24 orëve të fundit, është shënuar 1 rast i vdekjes.
Sot janë shëruar 9 qytetarë, derisa numri i përgjithshëm i të shëruarve është 157.787.
Në total numri i rasteve aktive është 320
Të dhënat e detajuara mund të i gjeni në linkun:
https://datastudio.google.com/…/2e546d77…/page/MT0qB
Mbani maskat!
Respektoni distancën!
Mbani higjienën!
