Mbi 800 të burgosur janë liruar në Nigeri pasi persona të armatosur rëndë sulmuan një burg në perëndim të vendit. Autoritetet arritën të rikapin 262 të arratisur, ndërsa 575 të tjerë mbeten në arrati.
Burgu, i vendosur në shtetin Oyo të Nigerisë, u bastis gjatë natës nga një grup i panjohur, konfirmoi shërbimi i burgjeve të vendit të shtunën. Sulmuesit u përfshinë në një përplasje zjarri me rojet e burgut, duke u futur me forcë duke hapur vrima në muret e objektit me eksploziv.
Sulmuesit u përqendruan vetëm në lirimin e të paraburgosurve, ndërsa të burgosurit e dënuar mbetën në qelitë e tyre. Burgu strehonte vetëm 64 të dënuar, të cilët nuk qenë në gjendje të largohen. Nuk ishte menjëherë e qartë nëse rojet e burgut pësuan ndonjë viktimë gjatë sulmit.
“Të gjithë të burgosurit në pritje të gjyqit u nxorrën nga paraburgimi ndërsa qelitë që strehojnë të dënuarit dhe të burgosurat femra nuk u vandalizuan.” – tha shërbimi i burgut.
Asnjë grup nuk e ka marrë përsipër deri tani sulmin.
