Ekzekutivja e JPMorgan Chase, Lorna Hajdini, ka zbuluar mesazhe shqetësuese që ka marrë pas akuzave të ish-bankierit të diskredituar Chirayu Rana, i cili pretendoi se ajo e kishte trajtuar si “skllav seksual”, ndërsa Rana ka thyer heshtjen e tij publike për herë të parë dhe ka thënë se kritikët e tij po veprojnë thjesht nga paragjykime gjinore.
Në një kundërpadi të paraqitur këtë javë në Gjykatën e Lartë të Nju Jorkut, Hajdini, 37 vjeç, e akuzon Ranën se ka fabrikuar plotësisht pretendimet për ngacmim seksual në një fushatë disa mujore që është kthyer në një dukuri globale mediatike dhe ka dëmtuar reputacionin e saj.
Dokumentet e paraqitura nga avokatët e saj të enjten zbulojnë një sërë email-esh shqetësuese që ajo ka marrë pasi lajmi u bë i njohur në mbarë botën.
Në një mesazh të datës 30 prill, një dërgues me emër të redaktuar shkruante:
“Shpresoj të të përdhunojnë në grup deri në atë pikë sa të duash të vrasësh veten, sepse e kupton çfarë kurve e pavlerë je. E mallkuar, idiote. VRI VETEN. Shpresoj sinqerisht që e gjithë familja jote të vdesë ngadalë dhe me dhimbje nga kanceret agresive.”
Një email tjetër i 1 majit thoshte:
“O dreq, vajzë e keqe, ti më nxjerr jashtë orbite, ke alamet vithesh, dua të shtrihem mbi tavolinë nga pas teje dhe të të them se dua një bonus të ri dhe një kartolinë Krishtlindjesh, sepse më duhet “Cannon” për ty dhe nuk spiunoj.”
Një tjetër email i së njëjtës ditë, me subjekt “Lodra jote e re”, thoshte:
“Më pëlqejnë të gjitha që kam lexuar për ty deri më tani. Emri im është [redaktuar] dhe nëse ke nevojë për skllav, kam kërkuar një padron. Ai arabi është një langaraq, lol.”
“Se gjithçka që do të më duhej ishte të bëja seks me ty dhe ta bëja shumë mirë, do të isha President i Chase lol shpresoj të jesh mirë duke qenë në lajme…çdo burrë në Amerikë tani do të dojë të bëjë seks me ty… shpresoj të kem radhën.”
Rana, i cili ka gënjyer për vdekjen e të atit për të marrë pushim nga puna, mbrojti padinë e tij fillestare kundër Hajdinit – duke thënë se historia është bërë obsesion ndërkombëtar për shkak të “pabarazisë gjinore”.
“Gjëja më e madhe këtu është, nëse e quani këtë të rreme, është thjesht pabarazi gjinore,” tha bankieri nepalezo-amerikan për The Juggernaut, një faqe në Nju Jork e fokusuar në lajmet e komunitetit të Azisë Jugore.
“Nëse rolet do të ishin të kundërta, çfarë mendoni se do të ndodhte?”
Në një dosje 68-faqëshe të paraqitur të enjten vonë, JPMorgan hodhi poshtë pretendimet e forta të Ranës dhe mohoi se ai ishte një “yll” në mbylljen e marrëveshjeve që puna e tij i ishte prezantuar drejtpërdrejt CEO-së Jamie Dimon.
Një zëdhënës i JPMorgan refuzoi të komentojë mbi dosjen, por tha se banka nuk ka ndërmend të bëjë marrëveshje dhe se qëndrimi i saj që nga fillimi është se akuzat janë të pabaza.
Rana, i cili u identifikua ekskluzivisht nga The Post si “John Doe” anonim i Hajdinit, një term shpesh i përdorur për viktimat e sulmeve seksuale, ngriti padinë muajin e kaluar duke pretenduar se ajo e kishte kërcënuar t’i ulte bonusin nëse ai nuk pranonte të bëhej “skllavi i saj seksual”.
Ai pretendoi se Hajdini e kishte detyruar në akte seksuale jo-konsensuale për muaj të tërë dhe e kishte fyer me sharje raciste. Ai kërkoi një dëmshpërblim “mbi 20 milionë dollarë” nga JPMorgan para se të largohej nga banka, sipas raportimeve të mëparshme.
Një hetim i brendshëm i JPMorgan nuk gjeti asnjë provë që mbështeste pretendimet e Ranës, dhe dokumente të HR treguan se Hajdini nuk kishte asnjë rol në vendime për promovime apo bonuse për të.
Një tjetër pretendim në padinë fillestare që ka ngritur dyshime në Wall Street ishte përshkrimi i Ranës se Hajdini kishte hequr bluzën dhe kishte thënë: “Vë bast se aziatikja jote e vockël, nuk ka “bomba” si këto të miat.”
Avokatët e Hajdinit e kanë quajtur Ranën si dikë që “po përhap gënjeshtra se znj. Hajdini ishte një predatore seksuale raciste”, duke argumentuar se ai kërkonte “të shkatërronte reputacionin e saj për të përfituar dhe për të nxjerrë miliona dollarë nga JPMorgan dhe ajo”.
“Znj. Hajdini dhe familja e saj janë tallur, përqeshur dhe ngacmuar pa ndërprerje, me gjithë internetin që e ka kthyer atë në objekt memesh, video dhe imazhe të krijuara me AI me natyrë degraduese dhe seksuale – si pasojë direkte e gënjeshtrave të paditësit,” thuhet në kundërpadinë e saj, shkruan NY Post.
