Një sulm me bombë ka ndodhur sot ndaj një autobusi ushtarak në Damaskun qendror, duke vrarë të paktën 14 persona.
Agjencia e lajmeve Sana raportoi se dy pajisje shpërthyese të lidhura me automjetin shpërthyen ndërsa autobusi kaloi nën urën Jisr al-Rais gjatë orës së pikut të mëngjesit.
Edhe pse Siria është përfshirë nga një luftë civile për një dekadë, BBC shkruan se sulme të tilla në kryeqytet janë gjithnjë e më të rralla.
Menjëherë më pas, sulmet me armë të ushtrisë gjithashtu thuhet se vranë të paktën 10 persona në veriperëndim. Rajoni veriperëndimor është bastioni i fundit i grupeve rebele dhe xhihadiste që janë përpjekur të përmbysin Presidentin Bashar al-Assad që nga viti 2011.
Lufta në Siri ka lënë të paktën 350 000 njerëz të vdekur dhe bëri që gjysma e popullsisë të largohej nga shtëpitë e tyre, përfshirë gati gjashtë milionë refugjatë jashtë vendit.
