Kancelarja gjermane Angela Merkel hodhi poshtë këtë të mërkurë thirrjet për të caktuar një datë për pranimin e vendeve të Ballkanit Perëndimor në Bashkimin Evropian.
Gjatë fjalës së saj pas samitit të mbajtur në Slloveni, zonja Merkel tha se nuk beson në caktimin e datave.
“Unë nuk besoj vërtet në caktimin e datave, besoj në përmbushjen e premtimeve tona: Pasi të plotësohen kushtet, pranimi mund të bëhet.”– u tha Merkel gazetarëve pas samitit të BE -së për Ballkanin në Slloveni, citon Reuters.
Sipas saj, një afat “do ta vendoste BE-në nën presion”, pavarësisht nëse Ballkani Perëndimor i plotësonte kushtet e përcaktuara nga blloku i 27 vendeve, apo jo.
