14 drejtues mjetesh janë arrestuar nga Policia Rrugore 24 orët e fundit në mbarë vendin.
9 prej tyre janë ndaluar për drejtim mjeti në gjendje të dehur ndërsa 5 të tjerë për drejtim mjeti pa patentë.
Po kështu policia ka pezulluar 52 leje drejtimi, nga të cilat 25 për shpejtësi mbi normat e lejuara, 24 për drejtim mjeti nën efektin e alkoolit apo në gjendje të dehur dhe 3 për qarkullim në sens të kundërt.
Janë ndëshkuar me gjoba 1343 drejtues mjetesh, për shkelje të ndryshme e parkime të gabuara.
