Lëvizja Vetëvendosje ka zgjedhur Arben Vitinë si kandidat për garën në Komunës së Prishtinës në zgjedhjet lokale që do zhvillohen në 17 tetor në Kosovë.
Edhe në legjislaturën e kaluar Prishtina është udhëhequr nga kryetari i dalë nga Vetëvendosje por pas ndarjes së partisë Shpend Ahmeti kaloi me partinë e re të krijuar nga grupimi që i vunë emrin Partia Social-demokrate.
“Dje pasdite, është mbledhur Këshilli i Qendrës së Prishtinës, për të votuar kandidatin për Kryetar të Prishtinës nga rradhet tona dhe kandidatët për asamblenë komunale.
Në një proces demokratik e të mirë menaxhuar në aspektin e respektimit të masave anti-covid, delegatët nga pikat tona në fshatra e qytet, kanë votuar me shumicë votash kryetarin e Qendrës sonë, Arben Vitia, si kandidat për kryetar të Prishtinës.
Në bazë të statutit tonë, delegatët votuan edhe gjysmën e kandidatëve për asamble në listën tonë, listë e cila e plotë do të publikohet në fillim të javës”-thuhet në njoftim.
