‘Gaslighting’, një fjalë e përdorur për të përshkruar një formë të manipulimit psikologjik, është fjala e vitit nga ‘Merriam-Webster’ për vitin 2022.
Botuesi më i vjetër i fjalorit në SHBA e përkufizon fjalën si si diçka që përshkruan viktimën ‘që vë në dyshim vlefshmërinë e mendimeve të veta, perceptimin e realitetit ose kujtimet’, ndër të tjera.
Një përkufizim i dytë është se ‘gaslighting’ është ‘veprim ose praktikë e mashtrimit të rëndë të dikujt, veçanërisht për përfitim’.
Redaktori i madh i ‘Merriam-Webster’, Peter Sokolowski i tha AP të hënën se kërkimet për fjalën u rritën me 1,740% këtë vit.
“Është një fjalë që është rritur me shpejtësi në gjuhën angleze, dhe veçanërisht në katër vitet e fundit, saqë në fakt ishte një surprizë për mua dhe për shumë prej nesh.” – tha Sokolowski.
Besohet se fjala u popullarizua për herë të parë nga shfaqja e vitit 1938 ‘Gas Light’ dhe dy prej përshtatjeve të saj filmike të bëra në vitet 1940.
Në filmin e vitit 1944, një burrë gënjen një grua, duke e bindur atë se errësimi i dritave të gazit në shtëpinë e tyre ishte një pjellë e imagjinatës së saj.
Sipas Sokolowski-t, vdekja e aktores Angela Lansbury në tetor, e cila luajti në film, ndikoi në interesin për fjalën. Botuesi i fjalorit zgjodhi ‘pandeminë’ si fjalën e vitit 2020 dhe ‘vaksinën’ vitin e ardhshëm.
