Një kafkë e lashtë e gjetur nga një lumë në Letoninë e sotme mund të mbajë të dhëna se si murtaja bubonike zhduku dhjetëra miliona njerëz në të gjithë Evropën në atë që do të bëhej përfundimisht pandemia më vdekjeprurëse në historinë njerëzore.
Studiuesit nga Universiteti Kiel në Gjermani zbuluan se një tip i bakterit, i njohur si Yersina pestis, që daton mijëvjeçarë, ishte zbuluar në mostrat e marra nga mbetjet e një mbledhësi gjahtarësh në vendin Baltik. Si pjesë e një punimi të botuar në revistën shkencore ‘Cell’, ata thonë se burri, i vlerësuar të ketë qenë në të 20-at, ka jetuar rreth 5,000 vjet më parë.
Në një zbulim që mund të ketë implikime për të kuptuar pandemitë aktuale dhe të ardhshme, akademikët thonë se ky variant i hershëm ka të ngjarë të ishte më pak infektues dhe vdekjeprurës sesa ai që shkatërroi Euroazinë mijëra vjet më vonë. Vdekja e Zezë, e përhapur nga minjtë dhe pleshtat, vlerësohet të ketë vrarë midis 75 dhe 200 milionë njerëz nga 1347 në 1351.
Në një katastrofë me përmasa pothuajse të paimagjinueshme, Murtaja e Madhe, siç dihet ndonjëherë, mendohet se ka zhdukur 30-50% të të gjithë popullsisë së Evropës.
Ben Krause-Kyora, një nga studiuesit i tha revistës ‘Neë Scientist’ se bakteri mund të ketë filluar si një infeksion i lehtë, para se të zhvillohej për t’u bërë më vdekjeprurës.
