Pamje nga vendngjarja
Të shtëna me armë janë regjistruar sot në një lokal pranë Gjykatës së Tiranës, ku ka mbetur i plagosur ish-prokurori Adriatik Cama, si dhe ka humbur jetën një person tjetër.
Raportohet se janë dëgjuar të paktën 5 të shtëna.
Adriatik Cama është një nga ish-prokurorët e tragjedisë së “21 Janarit”, ndërsa tani ushtron profesionin e avokatit. Cama është avokati i cili mbron ish-policin Nevaldo Hajdaraj, që shkaktoi vdekjen e Klodian Rashës.
Ngjarja e rëndë ka ndodhur pranë një lokali, ndërsa ende nuk ka të dhëna zyrtare nga policia.
Sipas një raportimi të televizionit “News 24”, policia ka identifikuar autorin e vrasjes dhe plagosjes që ndodhur vetëm pak minuta më herët, një shtetas me inicialet K.P.
Bëhet fjalë për një baba i cili ka vrarë ish-dhëndrin i cili ishte në proces divorci me vajzën e tij, ndërsa avokati Cama ka qenë me ta në lokal.
Lajmi në përditësim…
