Vendosni fjalën kyçe....

Kamarierja në Barcelonë qëllon me thikë në organet gjenitale pronarin e lokalit: Donte të më përdhunonte


Policia në Katalonjë ka arrestuar një grua pasi ajo akuzohet se preu penisin e pronarit të lokalit ku punonte. Burri është në spital dhe po përballet me një hetim për sulme të përsëritura seksuale kundër gruas.

Gjymtimi ndodhi në Sant Andreu de la Barca, një komunë e vendosur rreth 10 kilometra në veriperëndim të Barcelonës, kryeqytetit të Katalonjës.

Gruaja anonime u paraqit në një zonë të policisë lokale rreth mesnatës të së hënës, duke thënë se shefi i saj u përpoq ta përdhunonte. Ajo u tha oficerëve se mori një thikë për të shmangur sulmin dhe e goditi atë në organet gjenitale, njoftoi shtypi lokal.

Policia e arrestoi gruan, e cila punon si kameriere në lokal, në pritje të një hetimi për akuzat e saj kundër burrit. Ajo pretendoi se kishte pësuar një numër sulmesh seksuale nga pronari i lokalit, duke pohuar se në mënyrë të përsëritur ‘e detyroi atë të kishte marrëdhënie seksuale pa pëlqimin e saj’.

Njeriu i gjymtuar u dërgua në spitalin aty pranë të Bellvitge, ku autoritetet synojnë ta arrestojnë dhe ta marrin në pyetje pasi të shërohet nga operacioni. Nuk ishte menjëherë e qartë nëse mjekët arritën të ribashkonin me sukses shtojcën e tij të amputuar mashkullore.

Gruaja thuhet se ishte me origjinë nga Bangladeshi dhe disa media sugjeruan se kështu ishte edhe burri. Emrat e palëve të përfshira nuk u bënë të ditura për publikun.