Një çift indian thuhet se prenotoi një aeroplan dhe e organizoi në ajër ceremoninë e martesës me më shumë se 160 të ftuar në një përpjekje për të shpëtuar nga kufizimet e koronavirusit në vend.
Pamjet video të postuara në mediat sociale u shfaqën duke treguar çiftin dhe të ftuarit e tyre që kanë mbushur avionin e prenotuar për ngjarjen.
Shteti Tamil Nadu, ku thuhej se kishte nisur fluturimi, vendosi kohët e fundit kufizime më të ashpra lidhur me pandeminë Covid-19, duke kufizuar dasmat në vetëm 50 të ftuar. Autoriteti i aviacionit në Indi ka filluar një hetim, thanë raportet.
Një zyrtar nga Drejtoria e Përgjithshme e Aviacionit Civil (DGCA) i tha Times of India se stafi i avionit ishte shkarkuar nga detyra. Zëdhënësi tha se klienti ‘u informua qartë për udhëzimet e Covid që duheshin ndjekur dhe se i ishte hedhur poshtë leja për çdo veprimtari që do të zhvillohej në bord’.
