Vendosni fjalën kyçe....

Shembet ballkoni në plazh në Kaliforni, plagosen 9 persona (Video)


Dy persona përfunduan në reanimacion në gjendje kritike për jetën dhe disa të tjerë u plagosën disi më lehtë pasi një ballkon i mbushur plot u shemb në një plazh shkëmbor në Malibu, Kaliforni të shtunën.

Pamja CCTV tregon ballkonin e një shtëpie pranë bregut të mbushur me njerëz. Ata bërtasin nga tmerri ndërsa struktura shembet papritmas.

Nëntë persona u plagosën, katër prej tyre u shtruan në spital, sipas kanalit televiziv ABC 7. Mbikëqyrësi i Departamentit të Zjarrit të Los Anxhelosit, Melanie Flores, tha se dy persona u dërguan në qendrat e traumës në gjendje kritike.

Departamenti i Zjarrfikësve i Qarkut të Los Anxhelos, Ron Haraldson, tha se kishte rreth 10 deri në 15 njerëz në ballkon gjatë incidentit dhe rënia ishte rreth 4.6 metra poshtë.

Haraldson shtoi se kishte shkëmbinj të mëdhenj në plazh dhe tha se ishte me fat që askush nuk humbi jetën. Një grup njerëzish thuhet se ishin mbledhur për një festë ditëlindjeje.