Kryetarja e Lëvizjes Socialiste për Integrim, Monika Kryemadhi ka publikuar denoncimet për transkasionet për blerjen e votave në qytetin e Durrësit.
Sipas saj, patronazhistët e Partisë Socialiste kanë marrë përsipër blerjen e votave me shuma që variojnë nga 100 deri në 300 euro.
Kryemadhi tha se faturat e mbërritura në LSI janë si databaza e patronazhistëve.
“Këtë denoncim do ta çojmë në polici. Por jo te policia e Durrësit pasi ata janë bashkëpunëtorë në krim. Pasi ata janë patronazhistë të patronazhistëve me në krye Edi Ramën”, theksoi ajo në një konferencë në orët e vona të mbrëmjes së sotme.
Duke i përmendur me emra, zonja Kryemadhi tha se ata paguajnë paratë në këmbim të fotografimit të votës, duke shtuar se vlera monetare është me mijëra euro.
