Vendosni fjalën kyçe....

Snajper, dhjetëra fishekë dhe drogë në shtëpi, policia arreston 29-vjeçarin në Vlorë


Një 29-vjeçar ka rënë në prangat e policisë sot në Vlorë, pasi iu gjet një sasi municioni luftarak në banesë. Po ashtu dhe dhjetëra doza kanabisi.

I arrestuari është 29-vjeçari Klaudio Xhaferraj. Policia u vu në ndjekje të tij, pas informacioneve të marra në rrugë operative se i riu mbante armë në shtëpi si dhe shpërndante drogë.

Në njoftimin e policisë thuhet se atij iu gjetën në banesën e tij në lagjen “Partizani” një snajper, 64 fishekë si dhe një palë dylbi optike.

Njoftimi i Policisë

Finalizohet operacioni policor i koduar “SIG”, për goditjen e veprimtarisë kriminale në fushën e narkotikëve dhe armëmbajtjes pa leje.

Operacioni i zhvilluar nga Seksioni për Hetimin e Narkotikëve, në bashkëpunim me Forcën Operacionale në DVP Vlorë.

Sekuestrohen një armë zjarri snajper, një sasi municioni luftarak, dhjetëra doza me lëndë narkotike kanabis dhe një palë dylbi optike.

Vihet në pranga poseduesi i tyre.

Në vijim të kontrolleve të ushtruara në të gjithë qarkun e Vlorës, me qëllim parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje, bazuar në informacionet e marra në rrugë operative se në lagjen “Partizani”, Vlorë, një shtetas mbante në banesë, armë zjarri pa leje, si dhe ushtronte veprimtari kriminale në fushën e shpërndarjes së lëndëve narkotike, u organizua dhe u finalizua operacioni policor i koduar “SIG”, si rezultat i të cilit u bë kapja dhe arrestimi i shtetasit K. Xh., 29 vjeç, banues në Vlorë.

Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar në cilësinë e provës materiale dhjetëra doza me lëndë narkotike të dyshuar cannabis sativa, një armë zjarri snajper, 64 fishekë dhe një palë dylbi optike.

Materialet iu referuan Prokurorisë së Rrethit Gjyqësor Vlorë, për veprime të mëtejshme hetimore.


Leave a Reply

Your email address will not be published. Required fields are marked *