Kryetari i PD-së Lulzim Basha ka publikuar një videomesazh në llogarinë e tij në Facebook, ku rendit disa nga premtimet e pambajtura të kryeministrit Edi Rama.
Basha thekson faktin se gjatë qeverisjes së Ramës është shënuar numri më i lartë i të larguarve nga vendi pasi ai nuk e zbatoi premtimin për 300 mijë vendet e reja të punës.
Basha thotë se do të sjellë ndryshimin kur ai të vijë në pushtet.
“Rama premtoi punësim për shqiptarët por sot numri i të larguarve nga Shqipëria është më i larti në Europë. Ne do të kthejmë shpresën për shqiptarët, ne do ta ndryshojmë Shqipërinë.”– shkruan Basha krahas videos.
