Lundrimet nga Porti i Durrësit janë pezulluar për dy ditë për shkak të përkeqësimit të motit.
Përveç Durrësit, lundrimet janë bllokuar edhe nga pala italiane.
Edhe anijet e tonazhit të vogël dhe peshkarexhat ka disa ditë që qëndrojnë të bllokuara.
Shkak i një mase të tillë është bërë moti i keq, i cili është shoqëruar me erë të fuqishme nga jugu.
Forca e dallgëve raportohet se është 8 deri 9 ballë. Ditët e fundit disa zona në vend janë pushtuar nga reshjet e dëborës dhe të shiut.
