Njëmbëdhjetë të moshuar humbën jetën pas një zjarri që shpërtheu në një shtëpi kujdesi për të moshuarit në Bashkortostan, Rusi. Ngjarja e rëndë ndodhi në orët e para të së martës sipas medias shtetërore të lajmeve, Tass.
Ata kishin probleme me lëzivjen dhe nuk mund të lëvizeshin shpejt, njoftoi agjencia ruse e lajmeve, Interfax.
Katër të moshuar arritën të shpëtonin nga ndërtesa e djegur në fshatin Ishbuldino, rrethi Abzelilovsky para se të mbërrinin zjarrfikësit.
Autoritetet vendore thanë se një nga të mbijetuarit ishte një anëtare femër e stafit dhe tre ishin banorë të cilët ajo arriti t’i nxirrte nga ndërtesa prej druri njëkatëshe.
Raportet fillestare fajësuan ‘trajtimin e pakujdesshëm të zjarrit’ si shkak për flakët që dogjën godinën e kujdesit për të moshuarit ndërsa kanë nisur hetimet mbi përgjegjësitë e mundshme.
