Ndërsa votimi i Kolegjit Zgjedhor po afron dhe mjaft shtete e kanë vulosur procesin duke i dhënë fitoren demokratit Joe Biden, presidenti Donald Trump tha ende ‘nuk ka mbaruar’ dhe se fushata e tij do të vazhdojë të ndjekë rrugët ligjore për të përmbysur rezultatet e zgjedhjeve.
“Ne do ta përshpejtojmë atë sa më shumë që të mundemi.” – tha Trump për ‘Fox & Friends’ në një intervistë që u transmetua të dielën. Presidenti përmendi ‘raste të shumta lokale’, përfshirë në Wisconsin, që ende mund të ndihmojnë të provojnë pretendimet e tij për manipulimin e zgjedhjeve.
“Ata po na japin shumë pak kohë. Por ne i kapëm ata në vjedhje, duke hedhur fletëvotime, duke bërë kaq shumë gjëra, askush as nuk mund ta besojë atë.” – tha ai.
Vendimi i fundit i Gjykatës së Lartë për të rrëzuar një sfidë nga Teksasi dhe shtetet e tjera që kërkojnë të sfidojnë rezultatet në shtete të shumta që votuan në favor të Biden u pa nga shumë si shpresa e fundit e presidentit për rizgjedhjen. Trump e ka kritikuar vendimin e Gjykatës së Lartë.
“Ajo që i ndodhi këtij vendi është se ne po ngjajmë si të ishim një vend i botës së tretë.” – shtoi Trump.
