Media izraelite pretendoi të hënën se kryeministri Benjamin Netanyahu udhëtoi me Sekretarin e Shtetit të SHBA-së, Mike Pompeo në Arabinë Saudite për një takim me Princin e Kurorës së mbretërisë, Mohammed bin Salman.
Raportet nga Haaretz dhe Walla News thanë se takimi u mbajt fshehtas në Arabinë Saudite ndërsa aty mori pjesë edhe shefi i shërbimit sekret (Mossad) Yossi Cohen.
Zyra e Netanyahut nuk e mohoi lajmin, vuri në dukje media. As Arabia Saudite dhe as Shtetet e Bashkuara nuk kanë komentuar ende mbi raportet.
Kohët e fundit, Ministri i Jashtëm Saudit, Faisal bin Farhan, tha se normalizimi i marrëdhënieve me Izraelin përfundimisht do të ndodhte brenda kornizës së një plani paqeje Palestinezo-Izraelite.
Nga ana e tij, grupi palestinez Hamas i kërkoi Arabisë Saudite të sqarojë raportet.