Vendosni fjalën kyçe....

“Ditë e shkëlqyer për njerëzimin” – “Pfizer” thotë se vaksina e saj është 90% efektive kundër Covid-19


Vaksina kundër Covid-19 që po zhvillohet nga Pfizer dhe BioNTech është zbuluar të jetë 90% efektive në parandalimin e prekjes nga koronavirusi i ri, shkruan skyneës.

Faza 3 e testimit të vaksinës së prodhuar nga Pfizer përfshiu 43,538 pjesëmarrës.

Ata morën dy doza, ose atë të saktën ose një placebo, me 90% të personave të cilët morën të saktën që u zbulua se u mbrojtën nga virusi brenda 28 ditëve nga marrja e injeksioneve.

Vetëm 94 persona që morën pjesë në provë zhvilluan koronavirusin dhe nuk u raportuan shqetësime serioze anësore.

“Sot është një ditë e shkëlqyeshme për shkencën dhe njerëzimin. Grupi i parë i rezultateve nga prova e vaksinave Faza 3 COVID-19 siguron provat fillestare të aftësisë së vaksinës sonë për të parandaluar COVID-19.” – tha kryetari dhe shefi ekzekutiv i Pfizer, Dr. Albert Bourla.

“Me lajmet e sotme, ne kemi hedhur një hap të rëndësishëm përpara për t’u ofruar njerëzve në të gjithë botën një përparim shumë të nevojshëm për të ndihmuar në dhënien fund të kësaj krize globale shëndetësore.” – shtoi ai.

Gjiganti farmaceutik thotë se mund të furnizojë 50 milionë doza deri në fund të vitit 2020 dhe 1.3 miliardë deri në fund të vitit 2021.