Presidenti amerikan Donald Trump thotë se ai nuk po merr më steroide, por nuk mund të konfirmojë se ai tani është negativ për koronavirusin që kur u infektua javën e kaluar, edhe pse planifikon të zhvillojë një event me qindra njerëz në Shtëpinë e Bardhë të shtunën.
“Ndihem vërtet mirë, me të vërtetë i fortë”, tha Trump në një intervistë me Fox News të transmetuar të premten në mbrëmje.
Kjo ishte intervista e parë në kamera e presidetit amerikan, që kur rezultoi pozitiv për virusin.
Trump vazhdoi te thoshte se nuk po e merrte më steroidin e fuqishëm Dexamethasone, të cilin disa ekspertë mjekësorë kishin paralajmëruar se mund të ketë efekte anësore psikologjike duke përfshirë këtu, konfuzion dhe agresion.
“E tolerova shumë mirë, nuk e marr më. Ishte goxha afatshkurtër”– tha Trump për steroidin, të cilin CDC e rekomandon për trajtimin e koronavirusit vetëm në rastet kur një pacient ka nevojë për oksigjen shtesë ose kërkon ventilim.
