E 16-ta grua në histori që fiton Nobelin në Letërsi, kush është Louise Glück

Çmimi Nobel në Letërsi këtë vit i ka shkuar shkrimtares amerikane Louise Glück. Në prezanimin e çmimit, Akademia Suedeze thekson se Louise Glück e fitoi atë ‘për zërin e saj poetik të pagabueshëm që me një bukuri të rreptë e bën ekzistencën individuale universale’.

E lindur në 1943, Glück ka shkruar 12 përmbledhje me poezi dhe dy libra ese. Koleksioni i saj më i fundit është ‘Nata Besnike e Virtoze’, shkruar në vitin 2014.

Gjatë një karriere që përfshin gjashtë dekada, ajo ka eksploruar traumën, vdekjen dhe shërimin, në poezi që studiuesit kanë argumentuar se janë njëkohësisht rrëfyese dhe misterioze.

Gjatë dhënies së çmimit, kreu i akademisë, Olsson, tha: “Ajo nuk duhet të konsiderohet si një poete rrëfyese. Ajo kërkon universalitetin.”

Glück ka shkruar për prekjen nga anoreksia si adoleshente, duke thënë më vonë se ishte rezultat i përpjekjeve të saj për të kërkuar pavarësinë nga nëna e saj si dhe vdekjes së motrës së saj më të madhe, që ndodhi para se të lindte Glück. Ajo e botoi koleksionin e saj të parë, ‘I parëlinduri’ në 1968.

Poetja ka fituar çmimin Pulitzer për poezi në vitin 1993 për koleksionin ‘Irisi i egër’.

Glück është gruaja e 16-të në histori që fiton Nobelin në Letërsi.

Selma Lagerlof, 1909

Grazia Deledda, 1926

Sigrid Undset, 1928

Pearl Buck, 1938

Gabriela Mistral, 1945

Nelly Sachs, 1966

Nadine Gordimer, 1991

Toni Morrison, 1993

Wislawa Szymborska, 1996

Elfriede Jelinek, 2004