Banorët në të gjithë verilindjen e Meksikës u shtangën kur një top zjarri me ngjyrë të gjelbër ndriçoi qiellin natën e së martës. Autoritetet raportuan se topi i zjarrtë shkaktoi zjarre të lokalizuara në afërsi.
Raportet erdhën nga i gjithë shteti verior i Nuevo Leon, pasi meteori i dyshuar vërshoi nëpër qiell mbrëmjen e së martës.
Videot e publikuara në rrjetet sociale tregojnë meteorin që lëviz me shpejtësi e më pas ndriçon qiellin.
Shfaqja e mahnitshme e dritës shkaktoi një spekulim në internet. Disa pretenduan se ishte thjesht pjesë e shiut meteorik Draconids që ndodh midis 6 dhe 11 tetorit, me një frekuencë të vlerësuar prej 20 meteoritësh në orë.
Të tjerë kishin më shumë teori të çuditshme, duke sugjeruar se shpjegimi i vetëm logjik për fenomenin ishte Elon Musk ose alienët ishin përgjegjës.
