Air Force One, një aeroplan i modifikuar i serisë Boeing 747-200B, mund të arrijë një shpejtësi maksimale prej 0,84 mach, e barabartë me rreth 1040 kilometra në orë. Por Pentagoni dëshiron që avioni të fluturojë më shpejt, shumë më shpejt.
Forca Ajrore e SHBA-së i ka dhënë një kontratë kompanisë Exosonic në mënyrë që ajo të fillojë të projektojë një avion presidencial që mund të udhëtojë me shpejtësi supersonike – mbi Mach 1, ose mbi 1235 kilometra në orë.
“Çmimi i hulumtimit, me sa thuhet me vlerë 1 milion dollarë, do të financojë punën për të modifikuar aeroplanët ekzistuese të Exosonic për një aeroplan komercial supersonik në një propozim për një avion të nivelit presidencial.” – raporton Washington Times.
Exosonic do të ‘zhvillojë një avion ekzekutiv supersonik që do të lejojë vendimmarrësit dhe ekipet kryesore zyrtare të udhëtojnë nëpër botë në gjysmën e kohës që duhet tani!” – njoftoi një postim në Twitter javën e kaluar nga Qendra e Menaxhimit të Forcave Ajrore.
Firma e aviacionit do të përqëndrohet në rikonfigurimin e kabinës së avionit për të përfshirë strehimet e kërkuara, pajisjet e komunikimit dhe masat e sigurisë që do i lejojnë udhëheqësit amerikanë dhe mysafirët e tyre të punojnë dhe të pushojnë në bordin e avionit.
