Kryeprokurori i Shtetit në Kosovë, Aleksandër Lumezi, është infektuar me koronavirus.
Lajmi është konfirmuar nga zyra për informim e Kryeprokurorit të Shtetit.
“Zyra e Kryeprokurorit të Shtetit njofton opinionin publik se Kryeprokurori i Shtetit, Aleksandër Lumezi, dje e ka bërë testin për Covid19, me ç’rast ka rezultuar pozitiv”, thuhet në njoftim.
Lumezi qëndron në vetizolim, që nga momenti që i është nënshtruar testimit dhe ndodhet në gjendje të mirë shëndetësore. Në njoftim thuhet se ai po merr gjithë trajtimin e duhur mjekësor.
