Policia belge ka arrestuar një punonjës që u kthye të punonte në kompaninë e tij në Haaltert, në Flanders Lindore, pasi u kthye nga një udhëtim në Maqedoninë e Veriut, një vend që ende konsiderohet si “zonë e kuqe”.
Burri i cili ishte një shofer autobusi, nuk e kishte plotësuar formularin e caktuar pasi u kthye nga zona e kuqe, dhe nuk arriti të hynte në karantinë të detyrueshme.
“Burri u arrestua menjëherë dhe u fut në karantinë,” tha kryetarja e komunës Haaltert Veerle Baeyens të enjten, duke qenë e kënaqur me trajtimin e policisë, citon Brusseles Times.
“Burri është testuar për koronavirus dhe rezultatet dalin të Premten. Në varësi të rezultateve, mund të jetë e nevojshme të merren masa në kompaninë e tij “– shtoi ajo.
Kompania gjithashtu është kontaktuar dhe informuar. Burri tani përballet me gjobë për shkeljen e masave belge për të luftuar përhapjen e Covid-19.
Ndërkohë Virologu belg, Marc Van Ranst, komentoi incidentin në VTM Neës duke e konsideruar të tepërt reagimin e policisë.
“Është mirë që ky njeri u karantinua, rregullat duhen ndjekur. Por ata gjithashtu mund thjesht ta kishin thirrur këtë njeri dhe t’i theksonin detyrimin e karantinës. Ne nuk jemi një shtet policie dhe nuk duhet të jemi. Rregullat duhet të zbatohen, por barra nuk duhet të shkojë shumë larg në anën tjetër. “– thotë Van Ranst.
Marc Van Ranst
