Libani është në zi pas një shpërthimi të madh në kryeqytet i cili vrau të paktën 78 njerëz dhe plagosi më shumë se 4,000 të tjerë .
I gjithë qyteti u trondit nga shpërthimi i të martës, i cili filloi me një zjarr në port.
Presidenti Michel Aoun tha se 2,750 ton nitrat amoniumi ishin ruajtur në mënyrë të pa sigurtë në një depo për gjashtë vjet.
Ai caktoi një takim urgjent të kabinetit për të mërkurën dhe tha se duhet të shpallet një gjendje e jashtëzakonshme dy-javore.
Vendi do të jetë në një periudhë zyrtare zie për tre ditë, duke nisur nga e mërkura.
Presidenti Aoun njoftoi gjithashtu se qeveria do të lëshojë 100 miliardë lira (66 milion dollarë) fonde të urgjencës.
“Ajo që ne po dëshmojmë është një katastrofë e madhe,” tha kreu i Kryqit të Kuq të Libanit George Kettani për mediat lokale. “Ka viktima dhe viktima kudo”.
Punëtorët e shpëtimit po vazhdojnë të kërkojnë nëpër rrënoja dhe numri i vdekjeve pritet të rritet.
Çfarë ndodhi?
Shpërthimi ndodhi vetëm pas orës 18:00 të së martës. Mediat lokale treguan se njerëzit kishin mbetur të bllokuar nën rrënoja, e në video shiheshin makina e ndërtesa të dëmtuara nga shpërthimi.
“Të gjitha ndërtesat përreth janë shembur. Unë po eci nëpër xham dhe mbeturina kudo, në errësirë”– tha një dëshmitar pranë portit për agjencinë e lajmeve AFP.
Thuhet se spitalet ishin të mbingarkuara dhe shumë ndërtesa u shkatërruan.
Shpërthimi u ndje gati rreth 240 km larg, në ishullin e Qipros në Mesdheun lindor, me njerëz atje që menduan se ishte një tërmet.
Zyrtarët thanë se po fillonte një hetim për të gjetur shkallën e saktë të shpërthimit. Këshilli i Lartë i Mbrojtjes në Liban tha që ata që janë përgjegjës për shpërthimin do të përballen me “dënimin maksimal” të mundshëm.
Nitrati i amonit ishte raportuar se ishte shkarkuar nga një anije e ndalur në port në vitin 2013, dhe më pas ishte ruajtur në një depo atje.
Shpërthimi vjen në një kohë të ndjeshme për Libanin, për shkak të krizës konomisë dhe pandemisë së Covid-19.
Tensionet janë gjithashtu të larta pasi të premten pritet të merret një vendim nga gjykata. lidhur me vrasjen e ish-kryeministrit Rafik Hariri në 2005.
