Emiratet e Bashkuara Arabe kanë lëshuar me sukses një raketë që transportonte një anije kozmike drejt planetit Mars.
Lëshimi është bërë nga një pikë në Japoni kurse sonda, e cila do të monitorojë atmosferën në Planetin e Kuq, është misioni i parë i eksplorimit ndërplanetar të botës arabe.
Orbita e Emirati Hope (Amal) u nda nga raketa Mitsubishi H-IIA dhe po shkon drejt Marsit, të cilin planifikohet ta arrijë në shkurt. Misioni po shkon sipas planit, thanë zyrtarët, pasi ekipi tokësor në Dubai ka krijuar komunikime me sondën dhe ka marrë sinjalin e tij të parë të transmetuar në Tokë.
Anija kozmike është projektuar për të monitoruar Marsin nga lart duke përdorur një spektrometër me rreze infra të kuqe, një spektrometër ultravjollcë dhe një aparat fotografik. Ajo do studiojë gjendjen e atmosferës dhe do regjistrojë ndryshimet klimatike në Planetin e Kuq, ndër të tjera.
Nisja shënon misionin e parë të kërkimit ndërplanetar nga një vend arab. Dërgimi historik ishte planifikuar në fillim të këtij muaji, por u vonua disa herë për shkak të motit të keq.
