Ditën e djeshme policia arrestoi një 37-vjeçar në Maliq të Korçës, të cilin vajza e tij 18-vjeçare e ka akuzuar për ngacmim seksual.
Ajo kishte regjistruar me telefon edhe bisedën mes saj dhe të atit duke ia dorëzuar policisë. “BalkanWeb” ka zbardhur përgjimet e bisedave mes babait dhe vajzës së tij, ku 37-vjeçari i thotë të bijës se nuk i komandon dot ndjenjat për të dhe se askush nuk do ta marrë vesh, nëse ndodh gjë mes tyre.
BISEDA NË AUDIO:
- Babai: Vetëm 1 here, do ndihesh mirë.
Vajza: Ti je babai im
Babai: Dakord që jam babai yt, po kjo eshte ndjenje
Vajza: Neser flasim
Babai: E di me babi e di, flasim kur të duash, por këto janë ndjena, ndjenjat nuk komandohen.
Vajza: Ndjenjat do ti komandosh aty ku duhen jo aty ku nuk duhen.
Babai: ….. - Vajza: Nuk duhet te flasësh me mua për budallëqe
Babai: Jo nuk është nuk është gjë e zotit ajo
Vajza: Edhe c’lidhje ka me mua?
Babai: Jo nuk ka lidhje, por që ta dish
Vajza: Mos fol budallëqe ik fli gjumë
Babai: Vetëm një herë
Vajza: Po ti je babai im
Babai: E di, por është ndjenjë
Vajza: Je në vete o ba, po më ke evlat, je në terezi?
Babai: Ndjenjat nuk komandohen, pastaj kush do e marrë vesh?
Personi me inicialet R.M ishte divorcuar nga bashkëshortja rreth një vit më parë me të cilën kishte tre fëmijë. 18-vjeçarja ishte vajza e madhe.
Jashtë kameras të afërmit e 37 vjeçarit deklarojnë se ai ishte kthyer pak kohë më parë nga emigracioni ndërsa i shohin me dyshim akuzat e ngritura ndaj tij duke theksuar se rritja e fëmijëve ishte shqetësimi i tij më i madh.
Lidhur me ngjarjen për “News 24” ka folur dhe mamaja e 18-vjeçares. Sipas nënës së adoleshentes, vajza kishte shkuar të takonte të atin, por ai i kishte kërkuar të kryenin marrëdhënie seksuale. Ajo thotë se është shumë e tronditur nga kjo ngjarje dhe se kërkon të vihet drejtësi. Ndërsa shpjegon arsyet e ndarjes me bashkëshortin, ajo thotë se ai e dhunonte në sy të fëmijëve.
