Vendosni fjalën kyçe....

Shkon në 766 numri i të prekurve nga koronavirusi në vend


Shkon në 766 numri i të infektuarve nga koronavirusi në vend, me 16 raste të reja të konfirmuara në 24 orët e fundit.

Siç shihet edhe në hartën e ilustruar më poshtë, rastet e reja janë 9 në Tiranë, 1 në Shkodër, 5 në Krujë dhe 1 në Berat. Ndërsa numri i viktimave mbetet 30.

Këto janë rezultatet pas 8028 testime të kryera gjithsej për COVID-19 në vendin tonë, me 270 teste të kryera dje.

Në spitalet dedikuar COVID janë të shtruar aktualisht 33 pacientë, mes të cilëve edhe tre ushtarë të ardhur nga Kosova.

“Ju informojmë se aktualisht në spitalin infektivj të shtruar 27 pacientë, 6 prej të cilëve janë në terapi intensive.

Mes të shtruarve në spitalin infektiv janë  edhe 3 ushtarë shqiptarë të KFOR-it, pozitiv me COVID-19. Raste të importuara nga Kosova. Në spitalin COVID 2 “Shefqet Ndroqi”, janë 6 pacientë të shtruar. 2 pacientë janë në terapi intensive në gjendje më të rënduar. Në dy spitalet COVID aktualisht po marrin shërbim 33 pacientë.”– tha Eugena Tomini nga ISHP.

Ministria e Shëndetësisë thotë se sot 24 pacientë të tjerë i janë shtuar listës së të shëruarve, duke e çuar totalin e tyre në 455. Katër qytetet tek të cilat janë shëruar të gjithë personat e infektuar me koronavirus deri më tani janë: Lezha, Tropoja, Rrogozhina dhe Mallakastra.

TË DHËNAT E FUNDIT

Si çdo ditë, ju bëjmë me dije rezultatet e 24 orëve të fundit sa i takon gjurmimit dhe hetimit epidemiologjik dhe situatën e deritanishme të përhapjes së COVID-19.

Gjatë 24 orëve të fundit janë testuar 270 persona të dyshuar me COVID-19.
Nga rezultatet e testimeve janë konfirmuar 16 raste pozitive me COVID19, nga të cilat 9 raste janë në Tiranë, 5 raste në Krujë, 1 raste në Shkodër dhe 1 rast në Berat.

Deri në këto momente janë testuar 8028 raste të dyshuara dhe prej tyre janë të konfirmuar pozitivë me COVID-19, 766 raste.
Gjatë 24 orëve të fundit, 24 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 455.

Nga 281 pacientët aktivë me COVID19 në vendin tonë vetëm 10 % po trajtohen në dy spitalet COVID ndërsa rreth 90% e tyre janë në vetëizolim me simptoma të lehta ose janë pa simptoma dhe monitorohen në mënyrën sistematike nga mjeku i familjes.

Deri tani 30 qytetarë e kanë humbur betejën me këtë sëmundje, megjithë përpjekjet e stafit mjekësor.
Ju informojmë se, në shërbimin infektiv aktualisht janë 27 të shtruar. 6 pacientë janë në terapi intensive.

Në totalin e të shtruarve në spitalin infektiv, ndodhen edhe 3 raste të importuara COVID19, ushtarë shqiptarë të KFOR të ardhur nga Kosova.

Në spitalin COVID 2 “Shefqet Ndroqi”, janë 6 pacientë të shtruar. 2 pacientë janë në terapi intensive në gjendje më të rënduar.
Në dy spitalet COVID aktualisht po marrin shërbim 33 pacientë.
Harta e të prekurve nga COVID-19 zgjerohet në Tiranë, Krujë Shkodër dhe Berat.
Shpërndarja gjeografike e rasteve pozitive dhe e shërimeve, është si vijon:

 

BashkiaTëprekurTëshëruar
Tiranë318202
Shkodër10871
Krujë1029
Durrës4238
Fier3732
Kurbin31
Korçë1918
Elbasan1815
Kukës1810
Lezhë1414
Has1412
Kavajë98
Lushnje74
Vlorë54
Pukë54
Mirditë53
Rrogozhinë44
Tropojë44
Berat42
Mallakastër11
Mat1

Pavarësisht luhatjeve të të dhënave ditore situata vazhdon të jetë e kontrolluar.
Tregues për këtë janë numri i qëndrueshëm i shtrimeve në spitale dhe numri i ulët i pacientëve që kanë pasur nevojë për frymarrje të drejtuar.

Që kjo situatë të vazhdojë të jetë e kontrolluar dhe në kushtet e lehtësimit të disa masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë masat e vendosura, të respektohet distancimi fizik dhe ruajtja e higjienës personale.

Këto masa duhet të respektohen makimalisht edhe brenda rretheve familjare, duke shmangur vizitat tek të afërmit për çdo lloj arsye.
Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40./ Hashtag.al


Leave a Reply

Your email address will not be published. Required fields are marked *