Ka shkuar në 40 numri i pacientëve të shëruar nga koronavirusi në vendin tonë.
Mes tyre janë konfirmuar të shëruar edhe 2 mjekë të spitalit “Shefqet Ndroqi”. Në total numri i personelit mjekësor të shëruar në Tiranë dhe Durrës deri më tani është 8.
Lajmin e ka bërë me dije Ministrja e Shëndetësisë, Ogerta Manastirliu.
“Edhe 2️ mjekë të spitalit “Shefqet Ndroqi” janë shëruar, pas testimit konfirmues të kryer në laboratorin e Institutit të Shëndetit Publik.
Shkon në 8️ numri i personelit mjekësor të shëruar në Tiranë dhe Durrës.
Deri tani janë 4️0 pacientë dhe staf mjekësor që e kanë fituar betejën me Covid-19”-shkruan Ministrja.
