Qyteti i Wuhan-it në Kinë, nga ku u përhap fillimisht epidemia e Covid-19, për herë të parë nuk ka raportuar më raste të reja.
Por nga ana tjetër, rastet e importuara nga vendet e tjera në Kinë u rritën me një numër rekord, sidomos në kryeqytetin e Pekinit.
Reuters shkruan se infeksionet e reja të konfirmuara në të gjithë territorin e Kinës, ishin të gjitha raste të importuara, gjë që i ka shtuar presionin autoriteteve kineze për të kontrolluar udhëtarët në qendrat kryesore të udhëtimit.
Komisioni Kombëtar i Shëndetit tha se Kina kontinentale kishte konfirmuar të mërkurën 34 raste të reja, një numër mjaft i lartë në krahasim me 13 që ishin konfirmuar një ditë më parë.
Nga 34 infeksione të cilat janë raportuar si të importuara, 21 ishin vetëm në Pekin.
Kjo e ka çuar numrin e përgjithshëm të rasteve të konfirmuara në Kinë deri në 80.928.
