Joe Biden po kritikohet në Twitter pasi një video e tij u bë virale, ku ai debaton me një veteran lufte.
Biden ishte ndalur për një miting në Oakland në Kaliforni, kur veterani i Forcës Ajrore, Michael Thurman u përball me kandidatin për president.
Thurman i tha Biden-it se ai i kishte “duart me gjak ” për shkak të mbështetjes që ka treguar për luftën në Irak.
“Pse duhet të votojmë për dikë që votoi për një luftë që vrau mijëra vëllezër e motrat tona dhe civilë të panumërt irakenë? Ju e mundësuat atë luftë. Ju i dhuruat gjithashtu një medalje njeriut që e shkaktoi atë luftë. Edhe ai gjak është në duart tuaja”.– tha Thurman.
Two veterans confronted @JoeBiden about his record of supporting war during his campaign stopover in Oakland on Super Tuesday. Read more here- https://t.co/ushpLvVXK5 #DroptheMIC #NoMoreWar #VetsAgainstWar pic.twitter.com/M7iGZa7DOs
— About Face: Veterans Against the War (@VetsAboutFace) March 4, 2020
Thurman iu referua ceremonisë së Ditës së Veteranëve të vitit 2018 kur Biden i paraqiti ish-Presidentit George W. Bush, medaljen e Lirisë për mbështetjen e tij për veteranët. Biden i ktheu shpinën, por ai vazhdonte të bërtiste:“Ju jeni skualifikuar, zotëri! Miqtë e mi kanë vdekur për shkak të politikave tuaja”.
Ai shtoi se edhe presidenti Trump ishte më shumë kundra luftës se sa Biden, edhe pse ky i fundit është zotuar gjatë fushatës së tij që t’i japë fund njëherë e përgjithmonë luftërave.
Veterani në fund sipas FoxNews u shoqërua nga ekipi i sigurisë i Biden-it.
