Presidenti Meta ka çuar në Prokurorinë Speciale Antikorrupsion një kallëzim penal shtesë ndaj kreut të KED-së, Ardian Dvorani.
Njoftimi është bërë nga vetë institucioni i presidencës.
Ndërsa kreu i shtetit shkruan në Facebook se fakte të reja pritet të dalin në dritë për persona të tjerë të implikuar në grushtin e shtetit.
‘Të dashur qytetarë,
Pasi u njoha me provat e reja tronditëse të angazhimit të tij në grushtin e shtetit, sapo kam firmosur shtesën në kallëzimin penal ndaj z.Ardian Dvorani. Fakte të reja pritet të dalin në dritë edhe për persona të tjerë të implikuar në grushtin e shtetit, të cilët nuk do munden t’i shmangen përgjegjësisë për konsumimin e veprave të rënda penale. Ju garantoj se grushti i shtetit do të shpartallohet në mënyrën më shembullore!’ – shkruan Meta.
Ndërkohë në njoftimin e Presidencës thuhet:
Presidenti Meta dorëzon në Prokurorinë e Posaçme Antikorrupsion (SPAK) kallëzimin penal shtesë ndaj z. Ardian Dvorani
Kallëzimi penal shtesë ndaj z. Ardian Dvorani.
Provat shtesë:
- Kryetari i Kuvendit i kërkon informacion KED
- Kryetari i KED i pergjigjet Kryetarit të Kuvendit
