Policia e Tepelenës ka arrestuar shoferin e furgonit të burgjeve që u aksidentua ditën e djeshme pranë fshatit Qesarat.
I arrestuari është shtetasi Hysen Hasa, 56-vjeç, i cili ka qenë duke drejtuar mjetin tip “Hyunday”, në pronësi të Drejtorisë së Përgjithshme të Burgjeve.
Brenda në makinë ndodheshin dy të burgosur dhe një efektiv policie, kur makina u përplas dje me mjetin tip “Benz”, që drejtohej nga shtetasi Sulejman Shehu. Më pas automjeti i policisë përfundoi në një byrektore.
Furgoni i burgjeve që u aksidentua po kryente transportimin e dy të paraburgosurve nga Tirana për në Sarandë. Si pasojë e aksidentit kanë mbetur të lënduar, punonjësi i policisë së burgjeve, dy të paraburgosurit si dhe dy drejtuesit e mjeteve, të gjithë jashtë rreziku për jetën.
