Tartar Bazaj është emri i anëtarit të KLP i cili është lakuar disa herë në media në lidhje me të kaluarën e tij si dhe për falsifikim dokumentesh.
Gazetari Artur Çani ka denoncuar disa herë Bazajn se ka falsifikuar dëftesat e shkollës së mesme pasi të dhënat tregonin se ka studiuar në të njëjtin vit paralelisht në dy shkolla, ndërsa ai i ka mohuar vazhdimisht akuzat.
Bazaj është denoncuar edhe për pjesëmarrje në një plagosje të dyfishtë në vitet ’90-të (lexo këtu lajmin).
Së fundmi, pas për informacion ndaj kreut të KLP-së, Gent Ibrahimit në lidhje me mungesën e kartolinave në adresë të tij për Vitin e Ri 2020, Faxweb.al, ka siguruar një “Memo” që Bazaj i ka dërguar kreut të KLP-së.
Në të Bazaj shkruan se e ka mbështetur Ibrahimin pasi sipas bindjeve të tij të kohës ai ishte personi i duhur dhe me integritet për të drejtuar këtë institucion.
Por marrëdhëniet mes Bazajt dhe Ibarahimit janë prishur në momentin që anëtarit të KLP-së “i del para gazetari investigativ Artur Çani”,
“Marrëdhëniet tona ishin korrekte deri në momentin që unë votova kundër për disa vendime të cilat nuk janë objekt i kësaj memoje.
Që në datën 13 maj tek hotel Xheko Imperial, ku me mbajtët me insistim të vija më ju dhe më sollët tek 9 katëshet e më pas zbritët.
Erdha me znj. Nano përpara Prokurorisë së për Përgjithshme, kur sapo zbrita nga makina e znj. Nano më pret rrugën gazetari investigativ Artur Çani.”- shkruhet në shkresën zyratare.
Më tej Baze, i ndjerë ngushtë nga investigimi i gazetarit, i kërkon ndihmë kreut të KLP-së, por mbeti i zhgënjyer, pasi rasti investigues u publikua në Fax News.
“Fola me ju ku dhe më pas e biseduam dhe më premtove se është miku im i ngushtë, i juaji dhe më thatë mos ki merak se nuk të bie në qafë.
I dhashë materiale të bollshme për të vertetuar që unë nuk jam falsifikator, por janë në kuadrin e shpifjeve dashakeqëse dhe rezultati u duk pas drekës që ju keni kaluar me gazetarin investigativ, ku më detyruat në telefon që të shkoja në studion e tij dhe unë në respekt të personit tuaj shkova.
Që atë ditë në mbrëmje doli në televizionin Fax News reklama kundër meje: “Një mashtrues në KLP”,
Sapo u dorëzua materiali ju menjëherë në shenjë mirënjohje që u kisha votuar e falënderuat zotin Çani dhe e çuat çështjen e për hetim tek Krimet e Rënda me pretendimin se mund të isha ndonjë falsifikator i Arsimit të Mesëm, kjo gjithmonë edhe në zbatim të ligjshmërisë nga ana juaj.
Ju falënderoj dhe ua di për nder!”- shkruhet më tej në shkresë.
Fill pas këtij shqetësimi, Baze e ka parë të arsyeshme të shkruajë një sërë kërkesash ndaj kreut të KLP-së, ku ndër të tjera i kërkon naftë për makinën dhe ku kërkon informacione mbi mjetet dhe pse po prishen tenderat e nëpasnjëshëm për afro një vit.
“Deri këtu ju keni qenë në përmbushje të plotë të detyrës dhe të mirënjohjes për votën e marrë edhe pse nuk dua tu besoj rastësive, të cilat nuk ka nevojë ti rendis të gjitha sapo kam kërkuar më shumë të drejta dhe konkretisht edhe këto pika:
-Pse shkelët neni 164, I ligjit 115/2016 “Për qeverisjen e sistemit të Drejtësisë”
-Kam kërkuar vënien në dispozicion të akteve respektive
-Informacion mbi mjetet dhe pse po prishen tenderat e njëpasnjëshëm për afro një vit
-Kam kërkuar plotësimin e stafit të komisionit të mbrojtjes së prokurorëve
-Kam kërkuar se përse nafta e mjeteve shpërndahet me nga 10, 15, 20 litra në kundërshtim me vendimin e KLP-së dhe nuk na jepet limiti prej 150 litrash në muaj.
-Përse nuk më vihen në dispozicion as kartolinat e vitit të ri
-Përse nafta nuk na jepet rregullisht, por mbetëm ditë për ditë duke lypur naftë
Materiale që nuk do tua vë juve në dispozicion, por do ti adresojmë shumë shpejt pranë strukturave përkatëse. Por ajo që më obligon dhe sa di nga eksperienca ime se këtë shtet askush nuk e ka privatizuar dhe askush nuk do të mund të përdorë mekanizma të tjerë për të heshtur dhe mos reaguar kundër shkeljeve, por përkundrazi ky shtet ka nevojë për njerëz dinjitozë.
Kam pritur të kishit reagim dhe ulje në bisedime por çuditërisht dhe rastësisht sapo unë kërkoj një të drejtë del në pah gazetari investigative.”- shkruan Bazaj.
VINI RE: Ky material është pronësi intelektuale e Faxweb.al
